O NOSO RASTRO NO MAR

Tres fotógrafas galegas reflexionan sobre a relación do se humano co océano. Cris Romero presenta unha paisaxe bucólica, un lugar de calma absoluta dun mar galego ao que sempre asociamos coa súa bravura. Ariadna Silva Fernández escarva na memoria do Prestige para que non esquezamos os desastres ecolóxicos que tanto asolaron as nosas costas. E María Muiña preséntanos o océano como un territorio no que homes e mulleres dan o mellor de si mesmos e forzan os límites da camaradería para saíren airosos da súa loita contra o mar. Un océano no que late sempre a presenza do ser humano.