Que el océano es el mayor ecosistema de nuestro planeta es un hecho que nadie cuestiona ya. El 70% de la superficie de la tierra genera la mitad del oxígeno que respiramos, así que aunque sea por una cuestión interesada, seguir respirando, deberíamos estar todos comprometidos en cuidar los mares. Pero además, es indudablemente uno de los mayores activos de aquellas poblaciones de costa. En la X edición del Festival, queremos poner en valor la economía del mar y mostrar todas las oportunidades que nos ofrece.

Por iso este ano inauguramos o Foro Mar de Mares un lugar de encontro de expertos en xestión de recursos mariño desde distintos sectores como son as eólicas mariñas e a pesca, analizaremos o mar como gran recurso das cidades costeiras, falaremos do futuro dos océanos como xeradores de emprego e, por último, escoitaremos historias de cidades que apostan pola recuperación dos ríos urbanos (que van dar ao mar). O Foro será un ágora na que científicos e emprendedores conversen sobre as diversas cuestións que atanguen ao futuro mariño.

Bótalles un ollo ás nosas redes, onde en breve anunciaremos o programa.

Hai dez anos, o equipo fundacional de Mar de Mares, Merce Carballo, Silvia Oviaño e Luis Cousillas, presentabámoslle ao Concello da Coruña un proxecto para falar do mar desde diversos puntos de vista. Curtidos no mundo da xestión cultural, soñabamos con facer un encontro no que artistas, científicos, educadores, activistas e xentes do mar falasen da súa paixón por este medio e nos descubriran razóns polas que é necesario coidar os mares. Alén de todo ese amor froito da esmagadora paisaxe mariña, buscabamos (re)namorármonos do mar e ter mil motivos para facer unha defensa do océano a través dos números e datos científicos, a inspiración que nos produce a obra dos artistas que se inspiran no mar, a paixón nas historias das xentes do mar -pescadores, mariñeiros, fareiros, aventureiros- e a complicidade de todas aquelas persoas que, coma nós, atopaban no océano o mellor dos lugares.

Neste tempo, reunimos máis de 300 relatores, realizamos case 350 actividades e fixemos nove edicións polas que pasaron unhas 350.000 personas. Saímos nos medios de comunicación máis de 1.000 veces, recollemos 10 toneladas de lixo das praias e bailamos ó son de case 30 grupos musicais, degustamos os mellores produtos do mar e escoitamos -e probamos os pratos- dos cociñeiros que maior compromiso teñen co mar nestes intres. Viaxamos en veleiro pola Baía da Coruña polo Golfo Átabro pero tamén nos achegamos á Antártida e outros mares afastados da man de fotógrafos e expedicionarios de todo o mundo. Emocionámonos coas numerosas películas proxectadas e recitais de poesía e prosa de autores moi mariñeiros, nadamos en augas abertas, paleamos en kaiak e tamén nos mergullamos. Reconectamos, así, coa historia máis mariñeira da Coruña. En definitiva, encontramos infinitas razóns para amar o mar e defendelo con todas as nosas forzas.

Desta travesía conservamos a ilusión coa que lle presentamos o proxecto ao Concello da Coruña, que desde o primeiro momento se converteu nun grande apoio do festival, e tamén os moitos amigos que levamos feito ao longo do camiño e que ano tras ano nos permitiron sacar adiante o Festival Mar de Mares. Sen o apoio de todas as institucións públicas e privadas non poderiamos estar aquí. E sen a enerxía que nos transmite o público do festival, tampouco.

A punto de iniciar a décima singradura, namentres soltamos amarras, querémosvos convidar a toda a xente a que vos unades a esta gran festa dos océanos que será a X Edición do Festival Mar de Mares.