A sexta convocatoria para limpar os fondos do litoral coruñés levaranos de novo á zona máis visitada da cidade, o Porto. Únete a esta espectacular acción, na que se xuntan máis de cen voluntarios en mar e terra, co fin de sacar dos fondos todo tipo de lixo.

Liderado por Signus Ecovalor, e baixo a dirección de Buceo Galicia, a Gran Limpeza de Fondos representa o verdadeiro espírito do festival, a unión de todos os participantes, institucións públicas e privadas e a sociedade civil, para demostrar que xuntos podemos deixar un planeta mellor.

Se queres participar como mergullador, ponte en contacto con Buceo Galicia.