A Ostrería é un restaurante especializado en mariscos, bivalvos e peixe fresco localizado no Mercado de Abastos de Santiago de Compostela, segundo lugar máis visitado da capital galega por locais e visitantes. Da man de PescadeRías, selo de calidade da Xunta de Galicia que garante produto procedente da flota artesanal galega, ofreceranos elaboracións e degustacións en directo dalgúns dos tesouros das nosas rías.