Fillo, neto e bisneto de mariñeiros, Rogelio Santos Queiruga vive entregado ás súas grandes paixóns: o mar e a pesca e a divulgación e coidado dos mares. Nas súas redes caen a diario lumbrigantes, rodaballos, chocos, raias,…. e nas outras redes acumula máis de 160 000 seguidores que o ven faenar a diario e moitos días devolver ao mar lumbrigantes, bois de mar ou rodaballos. Porque están en veda, porque non teñen o tamaño mínimo, porque están a desovar… Por amor ao mar. Santos Queiruga é o mellor exemplo de que vivir do mar e coidar do mar non é incompatible.