Traballan no mar, viven do mar e ademais, transmítennos a súa enorme paixón por el a través das redes sociais. María Maceiras, pescadora, e María Fontán, mariscadora, ambas coñecidas polos seus vídeos sobre o día a día das súas profesións, contarannos como chega unha muller nova a converterse en toda unha “influencer” cuxos vídeos, ademais de darnos consellos sobre a pesca sostible, transmiten o seu enorme amor polo océano.