Mercado Mar de Mares
O Mercado Mar de Mares é unha das actividades principais do Festival, que este 2024 celebra a súa XI edición. ¡E TRASLADÁMONOS! E non a cualquera lugar senón a un dos espazos máis emblemáticos e queridos pola cidadanía: o Mercado de San Agustín.
Ademais, un dos colaboradores habituais do Festival, Xurxo Souto, engade este ano aos seus sempre exitosos Paseos pola cidade-barco unha selección de lecturas do seu libro Contos do Mar de Irlanda acompañado de cantos mariñeiros. O Encontro Inspirador con Rogelio Santos Queiruga, pescador e influencer, celebrarase tamén nesta contorna única que non podería ser máis acaída para os seus contidos e pecharemos as actividades falando de verbas do mar con Mónica Fernández-Aceytuno, escritora e xornalista que está recopilando as máis fermosas da naturaleza e acaba de lanzar Las 104 palabras de Mar.
Contido similar
