No ano en que se cumpren 40 anos da segunda viaxe do pesqueiro Xurelo na súa loita contra a vertedura de residuos nucleares na Fosa Atlántica, 30 do afundimento do Mar Exeo fronte ás costas de Coruña e 20 do naufraxio do Prestige na Costa da Morte, queremos poñer o foco no papel decisivo que tivo a sociedade civil tanto para minorar as consecuencias ambientais das catástrofes como para chamar a atención sobre os perigos que ameazaban o mar. Sen pretendelo, estas persoas converteron a Galicia en pioneira e referente no activismo de defensa dos océanos. Hoxe reunímolos na Coruña para que nos conten como lograron un cambio na mentalidade e na lexislación que protexe os mares.