Vivimos nunha guerra contra a natureza e contra nós mesmos. Os avances tecnolóxicos facilitáronnos a convicción de que a nosa supervivencia está garantida cando nunca estivo tan ameazada coma agora. Fernando Valladares, un dos ecólogos e divulgadores de maior prestixio, ofreceranos a súa visión obxectiva como científico, na que sinala que temos unha oportunidade histórica para evitar o colapso e encamiñármonos cara a un mundo mellor que o actual.