Galicia súmase ao movemento no ámbito internacional por recuperar os ríos urbanos canalizados no pasado como elementos de mellora paisaxística e de calidade. Neste encontro, reunimos tres representantes de entidades que traballan pola recuperación das canles do río Monelos na Coruña, do Maior en Sada e do Gafos en Pontevedra, que nos falarán do valor patrimonial, histórico, cultural, social e natural que as augas dos ríos levan consigo ata a súa desembocadura no mar e tamén nos explicarán as motivacións, inconvenientes e oportunidades que supoñen en cada caso para as súas contornas.