Descubre o litoral da Mariña coruñesa, declarada Reserva da Biosfera pola UNESCO en 2013, a bordo dun veleiro. A través desta experiencia guiada, coñeceremos a incrible biodiversidade do litoral ártabro desde A Coruña ata o porto de Sada, pasando por lugares tan emblemáticos coma o castelo de Santo Antón (A Coruña), o de Santa Cruz (Oleiros), o Seixo Branco e A Marola ou as bateas de mexillón de Lorbé. Unha paisaxe natural extraordinaria con cantís e illas e unha experiencia gastronómica de primeira orde a bordo a cargo de Lolo Mosteiro e Paula Martínez, cociñeiros da Artesa da Moza Crecha.

Recoméndase calzado cómodo e que non escorregue.

O veleiro parte da Coruña e atracará en Sada. A volta farase en autobús.

+info:  www.marinasbetanzos.gal