Prensa   |  Contacto   |  Pasadas edicións:  2014 - 2015 - 2016 - 2017

Programación

Actividades para todos os gustos: arte, gastronomía, ciencia...

A quinta edición do Festival Mar de Mares nace coa intención de propiciar unha nova relación cos mares e co fin de lograr un planeta máis san para todos. Así, este ano poñemos o acento nun novo modelo de xestión máis amable co medio ambiente: a economía circular. E para iniciarnos nela organizaremos diversos encontros con especialistas e activistas. Porén,  mantemos o espírito lúdico de Mar de Mares, cunha proposta de programación que irá desvelando aos poucos as súas sorpresas. Mergullarémonos en historias de aventura, literatura e ciencia; contaremos con exposicións, proxeccións, encontros con xentes de mar, talleres, música, emprendemento, teatro e poderemos probar o mellor da gastronomía mariñeira da Coruña. En definitiva, pasaremos un bo intre descubrindo a vida secreta dos océanos. Todo un mar de sorpresas que iremos anunciando en distintos momentos do verán. Pon a túa camiseta máis mariñeira e Ven á Coruña. Mergúllate nun Festival para todos os públicos e para todos os mares.

Descarga aquí o programa do festival